Plantun de Prouvènço

Pèr coumpara dos planto d'encò nostre

Helianthemum violaceum & Stellaria nemorum

Helianthemum violaceum

Cistaceae

Nom en français : Hélianthème poilu.

Descripcioun :
Aquesto massugueto di flour blanco douno d'èr à Helianthemum apenninum. Se n'en destrìo pamens que li flour soun mai pichoto (petalo < 11 mm e sepalo < 7 mm à la flouresoun) e lis estipulo peréu (3 à 4 mm). Li sepalo soun un pau vióuleto emé quàsi ges de péu. Coumpara emé la massugueto-blanco que ié sèmblo proun.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenol).

Port : Pichoto planto lignouso
Taio : 10 à 40 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Helianthemum
Famiho : Cistaceae

Ordre : Malvales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 600 m
Aparado : Noun

Liò : Garrigo - Tepiero seco
Estànci : Termoumediterran à Subremediterran
Couroulougi : Pancaro entresigna
Ref. sc. : Helianthemum violaceum (Cav.) Pers., 1806

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.